بترد على كل عميل.ومبتردش غير باللي إنت قلته.

دليلة موظّف استقبال ذكي بيرد على عملاءك بالمصري على واتساب وماسنجر وإنستجرام وتيك توك، وكمان على التليفون. بتجاوب من أسعارك وبياناتك إنت، بتحجز من مواعيدك وبتفكّر العميل بميعاده، وبتسلّمك المحادثة لما تحتاجك. وكل نشاط بحسابه وبياناته، معزول عن غيره تمامًا.

ناس كتير بتدوّر بالكلمة دي، فنجاوب صريح: دليلة مش بوت ردود جاهزة ولا قوايم «اضغط ١ اضغط ٢». بتفهم رسالة العميل كلها وترد على كل سؤال فيها من بياناتك، وقبل ما الرد يخرج بيتفحص: أي سعر أو اسم مش موجود في بياناتك، الرسالة مبتطلعش والمحادثة بتتحوّل لك.

واتساب وماسنجر وإنستجرام وتيك توك، والرد على كومنتات فيسبوك وإنستجرام، وكمان مكالمات التليفون. نفس دليلة بترد على كل القنوات بنفس بياناتك ومواعيدك، وكل المحادثات بتظهرلك في مكان واحد.

الأسعار كلها بتيجي من جدول أصنافك وخدماتك، مش من ذاكرة الذكاء الاصطناعي. وقبل ما أي رد يتبعت، كل رقم واسم فيه بيتقارن بجدولك. ولو مش مطابق، الرسالة مبتطلعش. والحاجة اللي مش عندك، دليلة بتقول عليها مش متاحة بدل ما تجيب حاجة قريبة منها.

أيوه، من المواعيد اللي إنت ضبطتها. بتعرض المتاح وتحجز، وتفكّر العميل قبل ميعاده، والعميل يقدر يغيّر أو يلغي من الشات. ولو اتنين طلبوا نفس المعاد في نفس اللحظة، واحد بس بيتحجز.

دليلة بتفهمها وترد عادي. بس الحجز أو تسجيل البيانات من رسالة صوتية لازم العميل يكتبه ويأكده الأول، عشان مفيش كلمة تتفهم غلط وتتحوّل لحجز.

في أي وقت، من لوحة التحكم أو من موبايلك. ولما ترد إنت، دليلة بتسكت وتسيبلك المحادثة. ولو عميل فضل مستني ومحدش من الفريق رد عليه، دليلة بتكمّل بدالكم. ولما عميل يحتاج حد من الفريق أو يشتكي، بيوصلك تنبيه وشكواه بتتسجل برقم.

الوحدة هي كل رد دليلة بتبعته لعميلك. الرسايل الواردة والتصعيد والتنبيهات مش بتتحسب عليك. الشكل: باقة شهرية بسقف رسايل، ورسوم إعداد لمرّة واحدة بتغطّي تجهيز نشاطك. والأرقام بتتحدّد على حسب حجم نشاطك — كلّمنا على واتساب ونظبّطها معاك.

بيانات نشاطك: أسعارك وخدماتك ومواعيد شغلك والأسئلة اللي بتتكرر، والقنوات اللي عايز دليلة ترد عليها. التجهيز بنعمله معاك، ومفيش تركيب ولا سيرفر عندك.